MASADYA NGA GINAAGIHAN

MASADYA NGA GINAAGIHAN

(Una nga Bahin)

Duwa na ka bulan. Duwa na ko ka bulan sugod sang nag abot ako diri sa Saudi. Sa pag kamatood kon sa petsa ang paga istoryahan sang Setyembre disinwebe tuig dosmil dos pa ako kag ang tatlo ko ka upod nag hugpa sa airport sang Riyadh.

Madamo sang mga bagay nga naga gamo sa paminsaron ko nga gusto ko gid ipabutyag ini,  pero tatlo lang anay subong.

Una nga gusto ko ipabutyag amo ang nahanongud sa bag o ko nga ubra, daw ga lalain ako maminnsar. Indi man ini malain okon indi pabor sa akon pero daw tama gid ini ka bag o, kag nagulpihan ako nga mag ubra bilang isa ka sekretarya, ang ubra suno gid sa tinaga sini nga sekretarya. Ay ambot ah daw natak an na gid ko ya a. Ginapilit ko lang kaugalingon ko man wala man ko mahimo, kag amo man ina ang gin aplayan ko ah. Te kita mo gid lang ah, hay man nga ano gid bala ya gin putok ka botse ko? Baw ma duwa na ko di ka bulan pero ya ubra ko internet lang, pungko kag kon matak an tindog tindog kag hangaw hangaw, tsaa, pati pati sa sugo sang mga tawo diri palibot ko kag sugo man sang boss ko eh, sugo nga daw malaka pa sa isa ko nga alom sa guya! Hahahaha, ari update nalang ko pirmi ka blog ko, facebook, twitter kag kong ano ano pa. Grabe gid ya ya ya ang style nila sa ubrahanay, wala pilitay, wala pwersahanay, basta ubraha lang da ya ubra mo ah, daw sa amo na bala.

Ikaduwa nga gusto ko ipabutyag amo ang nahanugod sa kultura. Ambot ah, feeling ko wala na ko di ya freedom, wala di beer, wala live band, bar, wala tanan nga gusto ko. Te pano nalang kita sini maka lipay lipay? Baw daw wala man sang lipay lipay nga tinaga gna na lista sa bokabularyo sang mga taga diri. Kag wala man ako makita nga damo nga babayi nga naka short, naka bikini kag naka suksok sang mga malip ot ang mga suksok kaagay sang spaghetti. Hay nako makadulula gana kong paga istoryahan ang mga lalaki, pwerte ka mga urais kag mabaris mag pang ganyat sekswal, ay nako amo na gani kong may bayo palang gani naga halimuyak na ano pa gid ayhan kong hublas na! ay time bomb! Tak an ko ah.

Ikatatlo amo ang nahanongod sa mga Pilipino nga ari man diri ah. Indi ko gusto mag hambal sang mga bagay nga indi maayo kag ako man kabay nga mag himo lang pirmi sang maayo. Ay abaw, tagsa tagsa ka Pinoy may ara gid ya ya nga kinaiya nga gina biga bigaan, aside ambi sa mga sports, may ara ang sadiki – ilimnon nga makahulobog. May ara man tago nga mga relasyon eh, dyos ko kalabanan guro! Indi lang kalaban kundi daw halos tanan man ah. Indi ako bulag ah kag indi man ako bungol, sa ila mismo baba kag sungad gagwa, wala ako ga himohimo istorya guro. Kung sa agitot man damo man sila ginahimo, mahilig sila sa pagtililipon, kaon kaon, luto, inom, saot saot kag kung ano ano pa.

Wala pa ako gana subong makihalo sa gwa nga kumunidad sang mga Pinoy, diri palang gani sa gina istaran ko daw ga ka kugmat na ako sang mga balita nga akon ga ka sandadan. Maga padayon ako sa pag pahayag sang akong ginaagihan diri. Manami man nga inagyan ukon indi akon ini isulat para ma hatagan ko man ligwa ang akon pang huna huna akag tagiposoon.

by: bodengdeng