ANG PAKPAK SANG KALIPAY

Bisan pa mabudlay gin suong ko. Nag pamuskag ako ugaling daw malayo pa mag bunga ang tanom nga kaangay ko tungod asta subong wala pa sing nga kweba kung sa diin pwedi ma gulagod sang akon nga gamhanan kag pinasahi nga instrument kag mag salo nga nagabuwsawak ko nga pag higugma. Nagapuswak nga balatyagon kaangay sang pakpak nga makusog kag naga dala sang akon lawas sa panganod.

 Ang pakpak. Gamay man ukon dako ini gid may pulos. Nagakuha ini kusog kag pwersa sa paminsaron kag ugat nga na angot sa likod sang tinuga nga nagapanag iya sini. Mahimo nga isa ini ka gahum para sa ila. Isa ka bagay nga sila lang ang gintagaan tungod indi ini naga kabagay sa iban nga tinuga. Ang pakpak gin hatag para makalupad ang tinuga, para madala siya sini sa lugar nga ginhurma sang iya pang hunahuna, kag sa pag pang lakbayon sa iya pangabuhi adlaw adlaw. Nagadala ini sang pag bag o ka pag laom sa kon anoman ang gusto nga matabo sang tinuga. Matuod gid nga ang pakpak isa ka dako nga kalipay sa tagsa tagsa ka may yara sini.

Nakalab ot na ako sa tion sang akon kabuhi nga kaangay sang isa ka pakpak nga bug os na gid, naislan na ang mga kuyos kag nangin hamtong na ang mga ugat kag balahibo sini. Sa pag padayon ko lupad may mag bagay gid nga indi ko gusto malipatan. Mga bagay nga kanami pamatyagon sa tagipusoon kag nami balik balikan sa pang huna huna. Huo, indi naton malikwan ang mga bagay nga naging rason sa pag kabalda sang pakpak, ayhan gintiro ini, naga pa dulo ini okon ayhan nasamad sang kaaway. Kon ang pakpak masamad nagadala ini sang kasakit kag pan antos sa tinuga, kag ang pag ayo sini indi basta basta. Kinahanglan niya mag pahuway kag mag panago samtang naga ugayong kag naga agwanta sang kasakit. Pero sa pag lipas sang inadlaw amat amat na ini nga naga ayo kag sa pag ayo sini, ang tinuga wala na ga panumdon kag gabatyagsang kasakit nga iya gin agyan. Naging mapagsik ini kag matinandaon, iya na nahibaluan kon pano batoan kag likawan ang mga naga samad sang iya pakpak.

Gani sa akon pag paminsaron, ang kalipay may ara man iya nga pakpak kag iya man ini gin tatap sang mayo. Kon ang kalipay yara sa imo ini isa ka proteksiyon sa pag pangasubo, isa ka dako nga pader nga naga pahamtang sa imo buot batok sa nga bagay ng gina kahadlukan mo. Ang pakpak sang kalipay may tinion nga indi mo ini mabatyagan pero ayhan ini naga pahuyos lang, ayhan nasamad sang kaaway ukon mga bagay nga matalom nga gin gamit para ini indi maka lupad para mag dala sa imo sang matawhay nga paminsaron kag bug os nga pang huna huna. Indi ka mag ka hadlok ukon mag pang duwa duwa. Ang pakpak sang kalipay liwat maga tubo kag liwat maga balik ini sa dati niya nga porma. Magadala ini liwat sa imo sang mga bagay nga imo na na experyensiyahan nga manami kag mga bagay pa gid nga sa una mo palang nga tinion mabatyagan.

Sa imo pag panglakaton subong nga bug os ang pakpak sang imo kalipay, maayo gid ina. Isa ina ka bugay kag dako nga butang nga indi mabakal ukon mabayaran. Gani tatapa ini kag indi pag pungi, pabay-i ini nga mag dala sa imo suno sa gina pitik sang imo dughan kag gina handom sang imo tagiusoon. Asta sa pag lakat sang tag sa ka adlaw, sa pag muklat sang imo mata kag sa pag piyong sini ang imo kalag kag ispirito may pag hidaet kag ang imo lawas wala sang pag antos.

Maayo lang nga pag pangabuhi sa idalom sang pakpak sang kalipay.

by: bodengdeng